பல்லடம்: `மது அருந்தியவர்களை தட்டிக் கேட்டதால் ஆத்திரம்’ - ஒரே குடும்பத்தைச் சேர்ந்த 4 பேர் படுகொலை

திருப்பூர் மாவட்டம், பல்லடம் அருகே கள்ளக்கிணறு பகுதியில் வசித்து வருபவர் செந்தில்குமார் (47). பாஜக நிர்வாகியான இவர் அதே பகுதியில் அரிசிக் கடை வைத்துள்ளார். இவருக்குச் சொந்தமான நிலம் கள்ளக்கிணறு பகுதியில் உள்ளது. இந்த நிலத்தில் இளைஞர்கள் சிலர் ஞாயிற்றுக்கிழமை இரவு மது அருந்தி உள்ளனர். இதை செந்தில்குமார் தட்டிக் கேட்டுள்ளார்.

இதில், இவர்களுக்கு இடையே தகராறு ஏற்பட்டுள்ளது. இதில், அந்த இளைஞர்கள் செந்தில்குமாரை சராமரியாக அரிவாளால் வெட்டி உள்ளனர். செந்தில்குமாரின் அலறல் சத்தம் கேட்டு அவரின் குடும்பத்தைச் சேர்ந்த மோகன்ராஜ், ரத்தினாம்பாள் மற்றும் புஷ்பவதி ஆகியோர் ஓடி வந்து தடுத்துள்ளனர். அப்போது, அவர்களையும் மது அருந்திய கும்பல் சராமாரியாக அரிவாளால் வெட்டிவிட்டு தப்பியது. இதில், தலை மற்றும் கைகளில் பலத்த காயமடைந்த செந்தில்குமார் முதலில் உயிரிழந்தார். முகம், தலை, கை, கால்களில் சராமரியாக வெட்டுக் காயம் அடைந்த மோகன்ராஜ், ரத்தினாம்பாள், புஷ்பவதி ஆகிய மூவரும் அங்கேயே உயிரிழந்தனர்.

கொலை

அலறல் சத்தம் கேட்டு அப்பகுதி மக்கள் வந்துபார்த்தபோது, 4 பேரும் உயிரிழந்து கிடப்பதை கண்டு அதிர்ச்சி அடைந்தனர். இதுதொடர்பாக பல்லடம் போலீஸாருக்குத் தகவல் அளித்தனர். அங்கு வந்த பல்லடம் காவல் துணைக் கண்காணிப்பாளர் செளமியா தலைமையிலான போலீஸார், செந்தில்குமாரின் சடலத்தை பல்லடம் அரசு மருத்துவமனைக்கு எடுத்து வந்தனர்.

ஆனால் மற்ற 3 பேரின் சடலத்தை கிராம மக்கள் எடுக்கவிடாமல், கொலையில் ஈடுபட்டவர்களை பிடிக்க வலியுறுத்தி சாலை மறியல் போராட்டத்தில் ஈடுபட்டனர். ஒரே நேரத்தில் 4 பேர் வெட்டி கொலை செய்யப்பட்டதால், திருப்பூர் மாவட்ட போலீஸார் அங்கு குவிக்கப்பட்டனர். போலீஸார் கொலைக்கான காரணம் குறித்து தொடர்ந்து விசாரித்து வருகின்றனர்.

நெல்லை: பாஜக நிர்வாகி கொலை வழக்கு; தேடப்பட்ட திமுக-வைச் சேர்ந்த முக்கிய குற்றவாளி பிரபு கைது!

இது தொடர்பாக போலீஸார் கூறும்போது, “செந்தில்குமாரின் அரிசி கடையில் குட்டி (எ) வெங்கடேசன் சில ஆண்டுகளுக்கு முன்பு வேலை பார்த்து வந்துள்ளார். அவர் தலைமையில் நேற்றிரவு ஒரு கும்பல் செந்தில்குமார் நிலத்தில் அமர்ந்து மது அருந்தியதாக தெரிகிறது. அப்போது ஏற்பட்ட பிரச்னையில் செந்தில்குமார் மற்றும் அவரது குடும்பத்தை சேர்ந்த 4 பேரை அந்த கும்பல் வெட்டிவிட்டு தப்பியதாக கூறப்படுகிறது. இது தொடர்பாக தொடர்ந்து விசாரித்து வருகிறோம்” என்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://bit.ly/3PaAEiY

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3PaAEiY

from Latest news